نو شہرہ سے تازہ ترین خبرنامہ

نوشہرہ :۔ تھانہ پبی پولیس کی کامیاب کاروائی اغواء شدہ دوشیزہ بحفاظت بازیاب،ملزمان گرفتار،۔۔۔۔
تفصیلات کے مطابق :۔ 4 دن پہلے شاہ جہان ولد افسرجہان ساکن چوکی ممریز نے پبی پولیس کو رپوٹ درج کراتے ہوئے کہا کہ میری بہن گھر خود میں موجود تھی مجھے کہ اطلاع ملی کہ ہمشیرہ مسماۃ (ث)کو ہمارے رشتہ دار امتیاز ولد مشتری اپنے کچھ ساتھیوں کے ہمراہ زبردستی اغواء کرکے لے گئے ہیں۔ اغوائیگی کے اس واردات کا سختی سے نوٹس لیتے ہوئے ڈسٹرکٹ پولیس افیسر کیپٹن (R) منصور امان نے DSPپبی کمال حسین کی سربراہی میں SHOپبی ارشاد خان پر مشتمل ٹیم تشکیل دیکر مغویہ کی فوری بازیابی کا ٹاسک سونپ دیا۔پولیس ٹیم نے اپنی صلاحیتوں کو پوری طرح بروئے کار لاتے ہوئے گزشتہ شب ملزمان تک رسائی حاصل کی۔سفید ڈھیری پشاور کے علاقے میں کاروائی کرتے ہوئے امتیاز کو اُسکے ساتھیوں بلال ولد خان زمان اور غلام حیدر ولد فضل وہاب کو گرفتار کرکے مغویہ کو بحفاظت بازیاب کرالیا۔عدالت میں پیش کرنے کے بعد مغویہ کو اپنے بھائی کے حوالے کر دیا گیا۔